حالیہ عرصے میں چین کی تجویز کردہ گرین سلک روڈ نے مضبوط قوت اور زبردست رفتار کا مظاہرہ کیا ہے اور اس نے موسمیاتی تبدیلی سے نمٹنے میں عالمی کوششوں میں کردار ادا کیا ہے۔گرین سلک روڈ کی تعمیر اعلیٰ معیار کے بیلٹ اینڈ روڈ تعاون کا ایک اہم حصہ ہے۔یہ سبز اور کم کاربن ترقی کے عالمی رجحان کی پیروی کرتی ہے اور بی آر آئی کے شراکت دار ممالک کو ماحولیاتی تحفظ کو بڑھانے، ماحولیاتی چیلنجز سے نمٹنے اور پائیدار ترقی کے لئے اقوام متحدہ کے 2030 ایجنڈے کو نافذ کرنے کی کوششوں میں رہنمائی اور راستہ فراہم کرتی ہے.یہی وجہ ہے کہ اس گرین سلک روڈ تعاون نے مضبوط جوش و خروش کا مظاہرہ کیا ہے۔
سرسبز ترقی کی جستجو میں چین نے گزشتہ دہائی کے دوران، بیرونی منصوبوں کے لئے ماحولیاتی انتظام کو بڑھانے، بیلٹ اینڈ روڈ تعاون کی سبز ترقی کو فروغ دینے، گرین انرجی پر بین الاقوامی تعاون بڑھانے اور بیرون ملک کوئلے سے چلنے والے بجلی کے نئے منصوبوں کی تعمیر روکنے کے بارے میں پالیسی دستاویزات جاری کی ہیں اور گرین سلک روڈ کے لئے ترجیحات کی نشاندہی کی ہے۔
.
چین نے گرین ڈیولپمنٹ سے متعلق بیلٹ اینڈ روڈ پارٹنرشپ کے اقدام کا آغاز کرنے، بی آر آئی کے لئے گرین انویسٹمنٹ اصولوں کی تجویز پیش کرنے اور گرین ڈویلپمنٹ پر وسیع تبادلے اور تعاون کے لئے پلیٹ فارم تشکیل دینے اور بین الاقوامی اتفاق رائے پیدا کرنے کی کوششوں کے حصے کے طور پر بی آر آئی انٹرنیشنل گرین ڈیولپمنٹ کولیشن قائم کرنے کے لئے بھی بی آر آئی کے شراکت دار ممالک کے ساتھ بھی کام کیا ہے۔چین نے نومبر تک، 39 شراکت دار ممالک کے ساتھ موسمیاتی تبدیلی پر 48 جنوب۔جنوب تعاون کی دستاویزات پر دستخط کیے ہیں۔اسی طرح ایتھوپیا، پاکستان، ساموا، چلی اور مصر سمیت 30 سے زیادہ شراکت دار ممالک کے ساتھ 70 سے زیادہ ماحولیاتی تحفظ اور موافقت کے منصوبے شروع کیے ہیں۔
دوسری جانب یہ بھی ایک حقیقت ہے کہ چین بیلٹ اینڈ روڈ انیشی ایٹو کے تحت جاری منصوبوں میں ماحولیاتی تحفظ کو ہمیشہ نمایاں ترجیح دیتا آیا ہے۔ چین نے بی آر آئی، جو سلک روڈ اکنامک بیلٹ اور اکیسویں صدی کی میری ٹائم سلک روڈ پر مشتمل ہے، 2013 میں شروع کیا تھا جس کا مقصد بنیادی ڈھانچے کی تعمیر، عالمی اقتصادی ترقی کے لئے نئی محرک قوتوں کی تلاش اور عالمی اقتصادی تعاون کے لئے ایک نیا پلیٹ فارم تعمیر کرنے کے ذریعے ہمہ جہت رابطے کو بڑھانا تھا۔اعداد و شمار سے پتہ چلتا ہے کہ جب ہوا اور فوٹو وولٹک توانائی کے لئے صاف توانائی پیدا کرنے کی سہولیات کی مینوفیکچرنگ کی بات آتی ہے تو چین دنیا میں سب سے آگے ہے ، جبکہ یہ دنیا کے کل شمسی آلات کے اجزاء بشمول پولی سلیکون ، ویفرز ، سیلز اور ماڈیولز کا 70 فیصد سے زیادہ پیدا کرتا ہے۔ صاف توانائی کی ترقی میں چین کی طاقت عالمی سبز منتقلی کو آگے بڑھانے کے لئے ایک مضبوط محرک فراہم کرتی ہے۔چین نے 100 سے زائد ممالک اور خطوں کے ساتھ گرین انرجی تعاون کے منصوبوں پر کام کیا ہے ، اور بی آر آئی کے شراکت دار ممالک میں سبز اور کم کاربن توانائی میں اس کی سرمایہ کاری وہاں روایتی توانائی کے منصوبوں میں اس کی سرمایہ کاری سے کہیں زیادہ ہے۔اب جبکہ بی آر آئی تعاون اعلیٰ معیار کے مرحلے میں داخل ہو چکا ہے لہذا یہ امید بھی کی جا رہی ہے کہ آئندہ دہائی میں ، قابل تجدید توانائی کے میدان میں اپنے فوائد کے ساتھ ، چین بی آر آئی کے شراکت دار ممالک میں کم کاربن تبدیلی کے لئے مزید اہم مدد اور حوصلہ افزائی فراہم کرے گا۔بین الاقوامی سطح پر بی آر آئی کے تحت ماحول دوست ترقی کو مزید فروغ دیا جائے گا جو بلاشبہ چین کی صاف ستھری اور خوبصورت دنیا کی تعمیر میں نمایاں شراکت ہو گی۔
|