انڈین ریلویز ۔ مُلک کی جان سے کم نہیں

اچھی سواری سفر کو آسان کردیتی ہے اور دینِ اسلام میں بھی اچھی سواری کو ترجیح دی گئی ہے۔ریل گاڑی بھی اچھی سواریوں میں سرِ فہرست ہے۔ انڈین ریلویز کا باقاعدہ آغاز ۱۶ اپریل ۱۸۵۳ء کو ہوا۔ پہلی ٹرین ممبئی سے تھانے کے درمیان ۲۱ میل کے لئے چلائی گئی۔ ہم سب کی دُعا ہے کے انڈین ریلویز ہماری ضرورتوں کو یوں ہی پورا کرتے رہے اور ہمارے مشکل سفر کو یوں ہی آسان کرتے رہے۔

کِرپِیا دھیان دیجیے ، گاڑی نمبر ایک ، دو ، سات ، دو ، چھے ۔ دھارواڑ سے بنگلور جانے والی
اِنٹر سٹی ایکسپرس تھوڑی ہی دیر میں پلیٹ فارم نمبر ایک سے روانہ ہوگی۔۔۔۔
Attention Please : Train No 1,2,7,2,6 From Dharwad To Bangalore -
Intercity Express Will Depart From Platform No 1 Shortly.
 

یہ الفاظ سُنتے ہی ہمارے سامنے ریلوے اسٹیشن کا وہ خوبصورت منظر آجاتا ہے جس کی تمنّا ہر مسافر کرتا ہے۔ریلویز سے نہ جانے ہماری کتنی یادیں جُڑی ہوئی ہیں۔انڈین ریلویز ہمارے سامنے ایک مکمل پیاک ( Complete Pack )کی طرح ہے۔جس میں ہر طرح کا آرام ہے۔یہ ایک ایسا سفر ہے جسے آج کے اس مہنگے دور میں بھی امیر تو دور کی بات غریب بھی اپنی خوشی کے ساتھ کرسکتا ہے۔سفر کے تعلق سے فرمانِ حضور محمد مصطفیٰ صلی اﷲ علیہ و سلم ہے کہ سفر آدھا عذاب ہے۔ بے شک مسافر کو سفر میں کئی مسائل کا سامنا کرنا پڑتا ہے۔سفر کے لئے بنیا دی چیز ہے سواری ۔ اچھی سواری سفر کو آسان کردیتی ہے اور دینِ اسلام میں بھی اچھی سواری کو ترجیح دی گئی ہے۔ریل گاڑی بھی اچھی سواریوں میں سرِ فہرست ہے۔

جس مُلک کے افراد تہذیب یافتہ اور محنتی ہوتے ہیں اُس مُلک کی قومی طاقت اور معاشی حالت بے مثال ہوتی ہے۔ قوم کی خوشحالی مُلک کی خوشحالی ہے اور قوم کی پستی مُلک کی پستی ہے۔اس بات کو ذہن میں رکھتے ہوئے یہ ضروری ہو جاتا ہے کہ ہم سب سے پہلے مُلک کی معاشی حالت کو سُدھاریں۔ جس کا ایک حصّہ یہ ہے کہ ہم مُلک میں ذرائع آمدورفت کو بھر پور ترجیح دیں۔ تاکہ مُلک میں بیرونی سرمایہ کاروں کو اپنے پلانٹس لگانے میں آسانی ہو۔تاکہ مُلک کے نوجوانوں کو روزگار مہےّا ہو۔ انڈین ریلویز اس کام کو بخوبی نبھا رہا ہے۔ایک طرف مسافروں کو اُنکی منزل تک پہنچانا تو دوسری طرف خام اشیاء ، سامان کو اُنکے مقام تک پہنچانا۔

یہ چند سطور اِس غرض سے رقم کیے جا رہے ہیں کہ مختصر طور پر انڈین ریلویز کی تاریخ بتائی جائے۔ انڈین ریلویز کا باقاعدہ آغاز ۱۶ اپریل ۱۸۵۳ء کو ہوا۔ پہلی ٹرین ممبئی سے تھانے کے درمیان ۲۱ میل کے لئے چلائی گئی۔ اسکے بعد مغربی بنگال کے شہر ہاورا سے ہُگلی کے لئے دوسری ٹرین ۱۵ اگست ۱۸۵۴ء ( مسافت ۲۴ میل ) کو چلائی گئی۔ جنوبی ہندوستاں میں ریلوے لائن کا آغاز یکم جولائی ۱۸۵۶ء کو مدراس ریلوے کمپنی کے جانب سے ۶۳ میل تک ہوا۔ اسی طرح ایک کے بعد دیگر مُلک کی الگ الگ ریاستوں میں ریلوے کا نیٹ ورک بڑھتا گیا۔ فی الحال یہ نیٹ ورک تقریباً ۷۱۱۴۷ میل تک پھیل گیا ہے۔جس کی انتظامیہ کے لئے ۷۵۰۰ اسٹیشن قائم کئے گئے ہیں۔ ہر دن تقریباً ۳۰ ملین مسافروں اور ۳ ملین ٹن کا سامان انڈین ریلویز بڑی ذمہ داری کے ساتھ اُٹھاتا ہے۔ دنیاوی سطح پر انڈین ریلویز ملازموں کی تعداد میں دوسرے نمبر پر آتا ہے یہاں پر ۱۴ لاکھ ملازم کام کرتے ہیں یہ اپنے آپ میں ایک مثال ہے۔ ان سب چیزوں کی وجہ سے انڈین ریلویز دنیا کے ریلوے نیٹورک میں دوسرے نمبر پر آتا ہے۔ انڈین ریلویز سِسٹم مُلک کی جان سے کم نہیں۔یہ بات اس کے کام اور لوگو سے پتہ چلتی ہے۔
( Indian Railways - Lifeline to the Nation )