دنیا کی مہنگی ترین عمارات

آپ اکثر اپنے اردگرد خوبصورت اور منفرد عمارات دیکھتے رہتے ہیں جو کہ نہ صرف بیرونی طور پر پرکشش ہوتی ہیں بلکہ اندرونی طور پر بھی انتہائی اعلیٰ تزئین و آرائش کی حامل ہوتی ہیں- تاہم دنیا میں چند عمارات ایسی بھی ہیں جن کی تعمیر ایک شاہانہ بجٹ خرچ کیا گیا ہے جس کے ساتھ ہی انہیں دنیا کی مہنگی ترین عمارات ہونے کا اعزاز حاصل ہوچکا ہے- یہ عمارات خوبصورت ہونے کے ساتھ ساتھ انتہائی جدید بھی ہیں اور متعدد پرتعیش سہولیات سے آراستہ ہیں- آج کے آرٹیکل میں ہم آپ کو دنیا کی سب سے مہنگی ترین عمارات کا احوال بتائیں گے-
 

The Marina Bay Sands Resort
یہ ریزورٹ سنگاپور میں واقع ہے اور اسے Las Vegas Sands نامی کمپنی نے تعمیر کیا تھا- یہ دنیا کا سب سے مہنگا ترین کیسینو ہے جس کی تعمیر پر آنے والی لاگت 8 بلین ڈالر ہے- اس عمارت میں 2561 کمروں پر مشتمل ایک ہوٹل٬ 1,300,000 اسکوائر فٹ پر پھیلا ایک کنونشن اور ایگزیبشین سینٹر٬ 800,000 اسکوائر فٹ پر پھیلا ایک مال٬ ایک میوزیم٬ دو تھیٹر٬ 7 ریسٹورنٹس اور بہت کچھ بنایا گیا ہے-یہ شاندار ریزورٹ Moshe Safdie نے ڈیزائن کیا ہے- اس عمارت کا افتتاح جون 2010 میں کیا گیا-

The Emirates Palace
یہ ایک لگژری ہوٹل ہے جو کہ ابو ظہبی میں تعمیر کیا گیا ہے- یہ ہوٹل John Elliott RIBA نے ڈیزائن کیا ہے- اس حیرت انگیز ہوٹل کی تعمیر پر 6.63 بلین ڈالر کی لاگت آئی- اس ہوٹل کا افتتاح نومبر 2005 میں کیا گیا- البتہ اس عمارت میں بنائے گئے چند ریسٹورنٹس اور مساج سینٹرز نے اپنے کا آغاز 2006 میں کیا- یہ ہوٹل 850,000 اسکوائر میٹر کے رقبے پر پھیلا ہوا ہے- اور اس کی زیرِ زمین پارکنگ میں ایک ہی وقت میں 2500 گاڑیاں کھڑی کی جاسکتی ہیں- اس عمارت میں 302 کمرے اور 92 سوئٹس ہیں-

The Cosmopolitan of Las Vegas
یہ عمارت درحقیقت ایک لگژری ریزورٹ کیسینو اور ایک ہوٹل کمپلیکس ہے جو کہ لاس ویگاس کے مغربی حصے میں تعمیر کیا گیا ہے- اس عمارت کا افتتاح 15 دسمبر 2010 کو کیا گیا اور اس پروجیکٹ کی تعمیر پر آنے والی لاگت 3.9 بلین ڈالر ہے- اس میں موجود ہوٹل کے 2995 کمرے ہیں جبکہ 75,000 کے رقبے پر کیسینو پھیلا ہوا ہے- اس عمارت میں 300,000 اسکوائر فٹ ریسٹورٹنس کے لیے٬ 40,000 اسکوائر فٹ مساج سینٹر اور جم کے لیے موجود ہیں-اس کے علاوہ یہاں 1800 سیٹوں پر مشتمل ایک تھیٹر بھی موجود ہے-

The Wynn
یہ ریزورٹ اور کیسینو بھی لاس ویگاس میں ہی تعمیر کیا گیا ہے اور اس عمارت کی تعمیر پر آنے والی لاگت 2.7 بلین ڈالر ہے- اس ریزورٹ کا اندرونی حصہ 215 ایکڑ کے رقبے پر پھیلا ہوا ہے- اس عمارت میں 4,750 کمرے ہیں جبکہ اس کا افتتاح 28 اپریل 2005 کو کیا گیا- یہاں 223,000 اسکوائر فٹ کے رقبے پر پھیلا کنونشن سینٹر بھی موجود ہے- اس عمارت 2716 کمروں مشتمل گھر بھی موجود ہیں-

The Venetian Macao
یہ ہوٹل Macau میں واقع ہے اور یہ 40 منزلہ بلند و بالا عمارت 10,500,000 اسکوائر فٹ کے رقبے پر پھیلی ہوئی ہے- اس پروجیکٹ پر آنے والی لاگت 2.4 بلین ڈالر ہے- اس عمارت کا افتتاح 18 اگست 2007 کو کیا گیا- یہ ریزورٹ لاس ویگاس سینڈ کارپوریشن کی ملکیت ہے- اس عمارت میں 3000 سوئٹس موجود ہیں-

The Antilia
یہ انڈیا کے شہر ممبئی میں واقع 27 منزلہ گھر ہے جو کہ 568 فٹ بلند ہے- یہ گھر 398,000 کے رقبے پر پھیلا ہوا ہے اور مشہور بھارتی کاروباری شخصیت مکیش امبانی کی ملکیت ہے- اس گھر کی تعمیر پر 1 بلین ڈالر لاگت آئی ہے اور اس کو مکمل ہونے میں 3 سال کا عرصہ لگا- اس گھر میں ہیلتھ کلب٬ جم٬ ڈانس اسٹوڈیو٬ سوئمنگ پول٬ بال روم اور متعدد مہمان خانے موجود ہیں- اس گھر کی دیکھ بھال کے لیے 600 ملازمین پر مشتمل اسٹاف رکھا گیا ہے-

The Bellagio
یہ بھی ایک لگژری ہوٹل اور کیسینو ہے جو کہ نویڈا کے علاقے لاس ویگاس میں واقع ہے- یہ عمارت اپنے فواروں کی وجہ سے دنیا بھر میں مقبول ہے- یہ عمارت 46 منزلہ ہے اور 508 اسکوائر فٹ بلند ہے- اس عمارت کا افتتاح 15 اکتوبر 1998 کو کیا گیا ہے اور اس کی تعمیر پر 88 ملین ڈالر خرچ ہوئے- اس عمارت کے پرکشش فواروں کو مختلف اطراف سے دیکھا جاسکتا ہے-