ویلنٹائن ڈے٬ جہاں پکڑے گئے وہیں شادی

ہر سال 14 فروری کو پوری دنیا میں ویلنٹائن ڈے کا تہوار منایا جاتا ہے اور اس تہوار کو عشق و محبت کی علامت سمجھا جاتا ہے- اس مغربی تہوار کا نمایاں اثر ایشیائی ممالک میں بھی نظر آتا ہے جس میں بھارت اور پاکستان بھی شامل ہیں-

اگرچہ پاکستان میں جہاں ایک قابل ذکر طبقہ اس تہوار کی حمایت کرتا ہے وہی دوسری طرف ایک بہت بڑی تعداد اس تہوار کے منائے جانے کے خلاف ہے- اور ایسا ہی کچھ بھارت میں بھی دکھائی دیتا ہے-
 

اسی حوالے سے بھارت میں ایک ہندو تنظیم نے ویلنٹائن ڈے کو کُھلے عام پبلک میں منانے والے جوڑوں کی زبردستی شادی کروانے کی دھمکی دی ڈالی ہے۔

بھارتی میڈیا کی رپورٹ کے مطابق ہندو مہا سبھا تنظیم کی جانب سے اعلان کیا گیا ہے کہ جو جوڑا ویلنٹائن ڈے مناتے ہوئے پکڑا گیا اس کی اسی مقام پر زبردستی شادی کروا دی جائے گی-

ابتدائی تفصیلات کے مطابق 14 فروری کو اس ہندوں تنظیم کے کارکن تمام اہم مقامات پر موجود ہوں گے جن میں ہوٹل٬ پارک اور ساحل شامل ہیں-

جس جوڑے کو بھی ویلنٹائن مناتے دیکھا گیا اس کی وہیں شادی کروا دی جائے گی جبکہ اس بات کو بھی خاطر میں نہیں لائے جائے کہ ان کا تعلق کس مذہب سے ہے؟