اردو کو سرکاری زبان کا درجہ دے دیا گیا

سپریم کورٹ آف پاکستان کی جانب سے ملک بھر میں اردو کو سرکاری زبان کے طور پر فوری نافذ کرنے کے احکامات جاری کردیے گئے ہیں-سپریم کورٹ نے وفاقی اور صوبائی حکومتوں کو ہدایات جاری کی ہیں کہ وہ 1973 کے آئین کی شق نمبر آرٹیکل 251 کو فوری طور پر نافذ کریں.

واضح رہے کہ اس شق میں انگریزوں زبان کو تبدیل کر کے اردو زبان کو سرکاری زبان بنانے کے اقدامات کے حوالے سے بات کی گئی ہے-

اردو کو سرکاری زبان کا درجہ دیے جانے کے حوالے سے سپریم کورٹ میں یہ درخواست ایڈوکیٹ کوکب اقبال جانب سے دائر کی گئی تھی.

اس کیس کا فیصلہ بھی پیر کو چیف جسٹس جواد ایس خواجہ اردو میں ہی پڑھ کر سنایا.

اس سے قبل گزشتہ سال مئی میں وفاقی کابینہ کی جانب سے اردو کو سرکاری زبان بنانے کے احکامات جاری کیے گئے تھے جبکہ رواں برس جولائی میں جاری کیے جانے والے احکامات میں تمام سرکاری محکموں کو اس بات کا پابند کیا گیا تھا کہ وہ اپنے تمام احکامات وغیرہ اردو میں ہی تحریر کریں-

اس کے ساتھ ہی اب صدر اور وزیراعظم سمیت تمام وزراء کو بھی اندرون ملک و بیرون اپنے تمام خطابات اردو میں ہی کرنے ہوں گے-

آپ کے خیال میں کیا قومی زبان اردو کو سرکاری زبان کا درجہ دینا درست ہے؟ ایسا تو نہیں ہے کہ آئندہ آنے والے دنوں اس فیصلے کی وجہ مشکلات کا سامنا کرنا پڑسکتا ہے؟ اپنی رائے سے ضرور آگاہ کیجیے-

< Previous چند کام جو صرف سچے پاکستانی کرتے ہیں NEXT > شوہر کی اپنی موت کی سیلفی بیوی کو روانہ