شاندار فن اور دستکاریاں جو پاکستان کے لیے باعث فخر ہیں

پاکستان میں پائے جانے مختلف آرٹ اور دستکاری کی روایات کا تعلق قدیم دور سے ہے- یہاں تک کچھ فن ایسے بھی ہیں جن کی تاریخ وادی سندھ کی قدیم تہذیب سے جا ملتی ہے- پاکستان ایک ایسی سرزمین ہے جو مختلف ثقافتوں کی امین ہے اور یہ اسے ورثے میں ملی ہیں- ہم یہاں پاکستان کے چند ایسے آرٹ اور دستکاری یا کاریگری کا ذکر کر رہے ہیں جو پاکستان کے لیے باعث فخر ہیں اور دنیا بھر میں مانے جاتے ہیں-

دیوار پر کی جانے والی کیلی گرافی آرٹ کی ایک قابلِ احترام قسم ہے- پاکستان میں عربی کیلی گرافی کو سماجی اور مذہبی اعتبار سے ایک خاص مقام حاصل ہے- اس فن کا نظارہ پاکستان کی متعدد قدیم مساجد میں کیا جا سکتا ہے-

پاکستان ان ممالک میں سے ایک ہے جہاں ایسے آرٹسٹ پائے جاتے ہیں جو تانبے پر کیلی گرافی کا مظاہرہ دکھانے کی صلاحیت رکھتے ہیں- پاکستان میں اسلام کی جڑیں کافی گہری ہیں اور اس کا عکس آپ کو تانبے پر کی جانے کیلی گرافی میں بھی دکھائی دے گا-

زیور اور آرائشی اشیاﺀ کی تیاری میں تانبے کا استعمال ہزاروں سال سے کیا جارہا ہے- پاکستان میں بھی آپ کو متعدد ایسی دکانیں دکھائی دیں گی جہاں تانبے سے تیار کردہ شاندار اشیاﺀ فروخت کی جاتی ہیں-

شیشے یا کانچ کی چوڑیاں پاکستان کی رنگا رنگ ثقافت کا ایک اہم حصہ ہیں اور صوبہ سندھ کے شہر حیدرآباد کو خوبصورت اور دلکش چوڑیوں کی تیاری کے اس فن کا مرکز قرار دیا جاتا ہے-

مٹی کے برتن اور اشیاﺀ تیار کرنا ثقافتی فن ہے اور اس کا تعلق وادی سندھ کی تہذیب سے ہے- بنیادی طور پر یہ برتن مٹی سے تیار کردہ ہوتے ہیں- مٹی کے برتنوں کی تیاری پاکستان کی ثقافت کی ایک شاندار مثال ہے- پاکستان کے شیر زادہ عالم اور صلاح الدین میاں کو اس فن کا ماہر سمجھا جاتا ہے-

سندھ اور ملتان کی خاصیت نیلے رنگ کے مٹی سے تیار کردہ وہ برتن ہیں جو دنیا بھر میں مشہور ہیں- یہ انتہائی منفرد اور دلچسپ دکھائی دیتے ہیں- اس کاریگری کے وسطیٰ ایشیاﺀ پر بہت گہرے اثرات ہیں-

اونٹ کی کھال سے لیمپ کی تیاری کو نکاشی کہا جاتا ہے اور ملتان کو اس دلچسپ کاریگری کے حوالے سے بھی شہرت حاصل ہے- اونٹ کی کھال سے لیمپ کی تیاری صدیوں سے کی جارہی ہے اور دنیا بھر میں اسے مقبولیت حاصل ہے-

لکڑی پر کی جانے والی خوبصورت نقش و نگاری ابتدا سے ہی پاکستانی ثقافت کا حصہ ہے- چنیوٹ کو اس فن کا مرکز سمجھا جاتا ہے- قدیم مسلمان اور مغلوں کے ورثے میں بھی اس فن کی جھلک دکھائی دیتی ہے-

یہ ایک اور حیرت انگیز اور منفرد آرٹ ہے جس پر دنیا کے صرف چند ممالک میں کام کیا جاتا ہے اور ان ممالک میں سے ایک پاکستان بھی ہے- یہ ٹائلوں کے استعمال کا فن ہے جس کا مظاہرہ بڑے پیمانے پر کیا جاتا ہے- مغلیہ دور کی یہ میراث آج بھی زندہ ہے-

یہ نمک سے تیار کردہ لیمپ ہیں جو نمک کے بڑے بڑے کرسٹل سے بنائے جاتے ہیں- اکثر ان کرسٹل کو تراش کر حیرت انگیز مجسمے تخلیق کیے جاتے ہیں- پنجاب میں واقع نمک کی کان کھیوڑہ کو اس حوالے سے ایک خاص مقام حاصل ہے-

< Previous چند کام جو صرف سچے پاکستانی کرتے ہیں NEXT > سندھ بھر میں شراب خانے بند کرنے کا حکم