|
پاک و ہند میں ہمیں ساس بہو کے جھگڑے عام نظر آتے ہیں
بالخصوص ہندوستانی معاشرے میں ان کی شرح بہت زیادہ ہے- وہاں ساس اور بہو کے
درمیان ہونے والے ان جھگڑوں کی دو بنیادی وجوہات پائی جاتی ہیں پہلی جہیز
کم لانا اور دوسری بیٹی کی پیدائش-
تاہم اتر پردیش کے ضلع ہمیر پور سے تعلق رکھنے والی ایک ساس نے اپنی بہو کو
بیٹی پیدا کرنے پر نئی گاڑی تحفے میں دے کر جھگڑے کی دوسری بنیادی وجہ کے
خلاف ایک روشن مثال قائم کردی ہے-
|
|
|
پریما دیوی جو کہ ریٹائرڈ ہیلتھ ڈپارٹمنٹ آفیسر ہیں نے اپنی پوتی کی پیدائش
پر نہ صرف ایک تقریب کا انعقاد کیا بلکہ اس موقع پر اپنی بہو کو ہنڈا سٹی
کی بیش قیمت گاڑی بھی تحفے میں پیش کی-
پریما دیوی کا کہنا تھا کہ “ میں اس روایت کا خاتمہ چاہتی ہوں جس کے تحت
بیٹیوں کو ماں کی کوکھ میں ہی موت کے گھاٹ اتار دیا جاتا ہے“-
“ اگر ہم اپنی بہوؤں کے ساتھ اپنی سگی بیٹی کے جیسا سلوک کریں گے تو یقیناً
یہ عمل ہمارے گھر میں خوشیاں لے کر آئے گا“-
|