پاکستانی اداکارہ ماہرہ خان کا نیا کارنامہ

ویسے تو پاکستانی اداکاراؤں کا شمار دنیا کی باصلاحیت اور ذہین فنکاراؤں میں ہوتا ہے لیکن اب پاکستان کی خوبصورت فنکارہ ماہرہ خان نے ایک اور منفرد اعزاز بھی حاصل کرلیا ہے-

بہت کم وقت میں بے پناہ شہرت حاصل کرنے والی ماہرہ خان ایشیا کی پرکشش خواتین کی فہرست میں جگہ بنانے میں کامیاب ہوگئی ہیں-

حال ہی میں برطانوی جریدے ’ایسٹرن آئی“ کی جانب سے ایشیا کی پرکشش ترین خواتین کے انتخاب کے لیے ایک سروے کیا گیا جس میں لوگوں کی ایک بڑی تعداد نے شرکت کی-

اس سروے کے نتیجے میں پاکستانی اداکارہ ماہرہ خان ایشیا کی نویں پرکشش خاتون قرار پائیں-

ایشیا کی پرکشش خواتین کی اس فہرست میں پہلا نمبر دپیکا پڈوکون، دوسرا پریانکا چوپڑا، تیسری پوزیشن نیا شرما، چوتھی دھرشتی شرما٬ 5 ویں نمبر عالیہ بھٹ ٬ چھٹے نمبر پر اداکارہ سنایا ایرانی، ساتویں پوزیشن اداکارہ کترینہ کیف، آٹھویں سونم کپور، نویں نمبر پر پاکستانی اداکارہ ماہرہ خان اور دسویں پوزیشن گوہر خان کو حاصل ہے۔

< Previous وہ مقبول اور امیر ترین افراد جو کبھی بےگھر تھے NEXT > 2016: رشتہِ ازدواج میں بندھنے والی شوبِز شخصیات