پاکستانی ماؤں کے چند دلچسپ رویے اور دھمکیاں

ماں ہمیشہ اپنے بچوں کی نہ صرف بہترین دیکھ بھال کرتی ہے بلکہ انہیں خوش بھی دیکھنا چاہتی ہے- دنیا کا کوئی رشتہ ماں اور بچے کے درمیان قائم رشتے سے زیادہ مضبوط نہیں ہے- لیکن اگر ہم پاکستانی ماؤں کی بات کریں تو ان یہ دنیا بھر سے بالکل مختلف معلوم ہوتی ہیں- یہ اوپر سی جتنی سخت دکھائی دیتی ہیں اندر سے اتنی ہی معصوم ہوتی ہیں- بعض اوقات پاکستانی ماؤں کا اپنے بچوں چاہے وہ کتنے ہی بڑے کیوں نہ ہوگئے ہوں کا ضرورت سے زیادہ دیکھ بھال کرنا بچوں کو پریشان بھی کردیتا ہے- لیکن حقیقت میں یہ ان کی ایک فکر بھی ہوتی ہے جس کا مقصد اپنے بچوں کو زمانے کی نرم گرم ہواؤں سے محفوظ رکھنا ہوتا ہے-  ہم آپ کے سامنے سے پاکستانی ماؤں کے چند دلچسپ رویے اور دھمکیاں پیش کر رہے ہیں جو کہ حقیقت میں آپ کی فکر اور پیار ہیں- اپنی ماں سے محبت اور احترام سے پیش آئیے اور ان کی خدمت کر کے جتن حاصل کیجیے کیونکہ دنیا میں اس ہستی کا کوئی نعم البدل موجود نہیں-
 

نوجوانی کے دنوں میں جب آپ رات گئے گھر واپس لوٹتے ہیں تو اکثر ماں کی جانب سے آپ کو اس طرح کے سوالات کا سامنا کرنا پڑتا ہے “ کہاں تھے اب تک؟“٬ “ تم سگریٹ پی کر آئے ہو؟“-
 
پاکستانی مائیں بیٹے کے سامنے اکثر اپنی بھانجی کی خوبصورتی کی تعریف کرتی دکھائی دیتی ہیں اور اسے بہو بنانے کی خواہشمند ہوتی ہیں لیکن اگر بیٹا انکار کرے تو پھر اس کی خیر نہیں٬ بنیادی سوال یہ ہوتا ہے کہ “ لڑکی میں کیا برائی ہے وہ بتاؤ؟“-
 
پاکستانی ماؤں کو آپ کے بڑھتے ہوئے وزن سے کوئی واسطہ نہیں ہوتے کیونکہ آپ انہیں ہمیشہ کمزور ہی دکھائی دیتے ہیں- اسی لیے ان کی پوری کوشش ہوتی ہے کہ آپ ناشتہ میں پورا پراٹھا ختم کریں-
 
اگر آپ رات دیر تک گھر سے باہر ہیں اور اندھیرا پھیل چکا ہے تو گھر سے والدہ کا کچھ اس طرح کا دھمکی آمیز فون آتا ہے “ اگر تم آدھے گھنٹے تک گھر واپس نہ پہنچے تو اپنا حشر سوچ لینا“-
 
اگر آپ نے صحت کی خرابی کا بہانہ بنا کر والدہ کے ساتھ شاپنگ پر جانے انکار کیا تو پاکستانی ماؤں کے پاس ایک تھپڑ سے صحت ٹھیک کرنے کا ہنر بھی موجود ہے-
 
لڑکیوں کے لیے سب سے مشکل مرحلہ گول روٹی بنانے کا ہوتا ہے کیونکہ پاکستانی ماں کے مطابق اگر روٹی گول نہ ہوئی تو رشتہ ملنا بھی مشکل ہوجائے گا-
 
پاکستانی مائیں حساب کتاب میں بڑی ماہر ہوتی ہیں اور اشیاﺀ منگوانے کے بعد بچوں سے باقی پیسے واپس لینا نہیں بھولتیں٬ بیٹا بچ کر دکھاؤ اب-
 
اگر آپ بدقسمتی سے فون پر بات کرتے ہوئے پکڑے گئے تو آپ کی حقیقی ماں فون والی ماں کے بارے میں ضرور جاننا چاہتی ہے-
 
جب آپ اپنی والدہ کو بہت زیادہ تنگ کرتے ہیں تو ایک جذباتی جملہ سننے کو ضرور ملتا ہے “ میرے مرنے کے بعد احساس ہوگا تمہیں“ - (اﷲ تعالیٰ ہر بچے پر اس کی ماں کا سایہ سلامت رکھے کیونکہ اس ہستی کا کوئی نعم البدل نہیں ہے- آمین)-

Reviews & Comments

زبردست بہت خوب
By: masim, DINA on May, 15 2017
Reply Reply
2 Like
بہت خوب
By: nazer hussain, arezzo on May, 15 2017
Reply Reply
2 Like
Language:    
Mothers are always make their children happy and take care of them. There is no single relation in the world which is as strong as mothers and children. In boyish and girlish time of your life, you can get irritated by your mother’s extra care or her opinions. So, we came up with the 10 funny facts about Pakistani (Desi) mothers.