شاداب خان ایک بار پھر کرکٹ سے دور، شاداب خان بائیں ٹانگ میں انجری کے باعث 6 ہفتوں کیلئے کرکٹ سے دور ہو گئے۔
تفصیلات کے مطابق شاداب خان بائیں ٹانگ میں انجری کے باعث ایک بار پھر سے 6 ہفتوں کیلئے کرکٹ نہیں کھیل سکیں گے، ڈاکٹرز کا کہنا ہے کہ شاداب کی یہ انجری پرانی نہیں بلکہ ابھی تازہ ہے اس لئے انہیں آرام کی ضرورت ہے۔
پاکستان کرکٹ بورڈ (پی سی بی) کا کہنا ہے کہ شاداب خان کی انجری کا ایم آر آئی اسکین کرایا گیا ہے، تاہم شاداب خان قومی اسکواڈ کے ہمراہ نیوزی لینڈ میں ہی موجود رہیں گے اور پی سی بی کا میڈیکل پینل ان کا ری ہیب پروگرام جاری رکھے گا۔
اس حوالے سے قومی اسکواڈ کے پیڈیکل پینل میں شامل ڈاکٹر سہیل سلیم کا کہنا ہے کہ انجری کے بعد بہت احتیاط کرنا چاہتے ہیں، شاداب خان کو 6 ہفتوں کا آرام تجویز کیا گیا ہے اور میڈیکل پینل شاداب خان کی انجری کا مسلسل جائزہ لیتا رہے گا۔
واضح رہے کہ شاداب خان چند روز قبل کیویز کے خلاف تیسرے ٹی 20 میچ میں بھی زخمی ہوئے تھے۔