بھارتی اداکارہ کرینہ کپور نے شوہر سیف علی خان اور بڑے بیٹے تیمور کے ہمراہ چھوٹے بیٹے کی تصویر پہلی مرتبہ شئیر کر دی۔
اداکارہ نےسوشل میڈیا پلیٹ فارم انسٹاگرام کے تصدیق شدہ اکاؤنٹ پر ایک تصویر شئیر کرتے ہوئے کیپشن درج کیا کہ میرا چھٹی کا دن کچھ ایسا ہے، آپ کا اس بارے میں کیا خیال ہے؟
شیئر کی گئی تصویر میں سیف علی خان اور تیمور علی خان کے ہمراہ کرینہ کے چھوٹے بیٹے کو فیروزی لباس میں زمین پر لیٹے دیکھا جاسکتا ہے تاہم چھوٹے بیٹے کے چہرے کو چھپایا گیا ہے۔
یاد رہے کرینہ کپور اور سیف علی خان کے ہاں دوسرے بچے کی پیدائش رواں برس فروری کے مہینے میں ہوئی تھی۔