پاکستان کی متنازعہ ٹک ٹاک اسٹار حریم شاہ کی جانب سے شادی کا دعویٰ سامنے آگیا ہے۔
گزشتہ روز حریم شاہ کے حوالے سے خبر سامنے آئی تھی کہ انہوں نے منگنی کرلی ہے اور انہوں نے اپنے ہاتھوں کی تصویر شئیر کی تھی جس پر لکھا تھا خدا کا شکر ہے لیکن وہ پوسٹ ان کی جانب سے ڈیلیٹ کر دی گئی تھی۔
ٹک ٹاکر نے اپنی ہاتھوں کی شئیر کردہ تصویر کے کیپشن میں الحمداللہ لکھا تھا تاہم یہ واضح نہیں ہوسکا تھا کہ جن کے ساتھ وہ ہاتھ تھامے ہوئی تھیں وہ ان کے شوہر ہیں یا نہیں۔
لیکن اب کی جانب سے دعویٰ کیا گیا ہے کہ ان کی شادی ہوگئی ہے اور اچانک شادی کی خبر نے سوشل میڈیا صارفین کو حیرت زدہ کر دیا ہے۔
ایک نجی ٹی وی کو انٹرویو دیتے ہوئے حریم شاہ نے اپنی شادی کی تصدیق کی اور بتایا کہ انہوں نے پیپلز پارٹی کے رکن قومی اسمبلی سے شادی کرلی ہے۔ انہوں نے انٹرویو کے دوران اپنے شوہر کا نام بتانے سے گریز کیا۔
انٹرویو میں ٹک ٹاک اسٹار حریم شاہ کا کہنا تھا کہ وہ اپنے پرستاروں کو بہت جلد اپنی شادی کی مکمل تفصیلات سے آگاہ کر دیں گی۔