ایک خبر کے مطابق امریکہ کی ریاست میئن میں کرایہ دار گھر کو چھوڑتے ہوئے 19 مکڑیاں اور ایک اژدھا چھوڑ کر چلا گیا۔ جس کی وجہ سے مکان مالک مشکل میں پڑ گیا۔
دراصل ہوا کچھ یوں کہ گزشتہ بدھ کو ایک کرایہ دار مکان خالی کرنے کے دوران غیر قانونی جانوروں کو وہیں چھوڑ گیا۔ تاہم جب مکان مالک کو اس بارے میں خبر ہوئی تو اس نے فوراً جانوروں کو ریسکیو کرنے والے ادارے سے رابطہ کیا اور صورتحال سے آگاہ کیا۔
مکان مالک کے مطابق اس کے کرایہ دار نے آج ہی مکان خالی کیا تھا اور جاتے ہوئے گھر میں ایک اژدھا اور 19 مکڑیاں بھی چھوڑ گیا تھا۔
جبکہ ریسکیو عملے کا کہنا تھا کہ مکان میں پہنچنے کے بعد معلوم ہوا کہ تمام کی تمام 19 مکڑیاں مر چکی ہیں۔ اس کے علاوہ اژدھے کے پاس پانی بھی موجود نہیں تھا۔
ریسکیو عملے کا مزید کہنا تھا کہ یہ تمام جانور غیر قانونی طریقے سے گھر میں رکھے گئے تھے۔ جن میں سے زنذہ بچ جانے والے جانور کو، جانوروں کی ایک تنظیم کے حوالے کردیا گیا ہے۔
جبکہ پولیس اور ریسکیو حکام کی جانب سے مذکورہ کرایہ دار کی تلاش کی جارہی ہے یا نہیں اس کے حوالے سے کوئی اطلاعات فراہم نہیں کی گئی ہیں۔