انسان کھائے بغیر زندہ کیسے رہ سکتا ہے اور نہ کوئی جانور ایسا ہے جو اپنی خوراک کا استعمال کئے بغیر خود کو زندہ رکھ سکے۔ لیکن ایک ایسی خوش قسمت بلی کے بارے میں ہم بتانے جا رہے ہیں جو 52 دنوں تک ایک گھر میں قید رہی وہ بھی بناء کچھ کھائے پیئے اور جب اتنے دنوں بعد ملی تو وہ بھی زندہ ملی جس پر سب حیران رہ گئے کہ کیسے بلی زندہ بچی۔
ہالینڈ کے ولارڈنگن قصبے میں بلی 52 روز تک ایک خالی گھر میں اکیلے بند رہی جہاں کھانے کی کوئی بھی چیز نہیں تھی لیکن بلی عقل مند نکلی اس نے خود کو زندہ رکھنے کے لئے کاغذ کھانے شروع کردیئے اور یہ اتنے دن کاغذ کھاتے اور اپنی زبان پانی کے نل میں لگا لگا کر ٹپکوں کی صورت میں پانی پیتی رہی۔
پھر
گزشتہ ماہ جب اس گھر میں نئے مکین منتقل ہوئے تو وہ یہ دیکھ کر حیران ہی ہوگئے کہ بلی نہایت کمزور حالت میں زندہ ہے اور سامنے کاغذ کے ٹکڑے پڑے ہیں جن کو وہ کھا رہی تھی۔ جس کے بعد انہوں نے کیٹ ہوم سے رابطہ کرکے اس کو وہاں منتقل کر دیا جہاں اس کی مکمل دیکھ بھال کی جارہی ہے اور اب بلی بالکل صحتیاب ہوگئی ہے۔