سارا خان اور فلک شبیر سوشل میڈیا پر چھائے رہنے کا یوں تو کوئی موقع ہاتھ سے جانے نہیں دیتے لیکن محبت کے بار بار اور ایک جیسے اظہار پر کبھی کبھی ان کے مداح بھی تنگ آجاتے ہیں اور ان کے پیار محبت کو “پبلسی اسٹنٹ“ قرار دیتے ہیں۔
حال ہی میں فلک شبیر نے اپنے کنسرٹ کی ایک ویڈیو انسٹاگرام اکاؤنٹ پر شئیر کی ہے جس میں پہلے تو وہ اپنی بیگم کے لئے گانا گاتے ہیں اور پھر سارا سے کہتے ہیں کہ وہ بھی ان کے لئے کچھ کہیں۔ سارا مائیک پکڑ کر کنسرٹ میں آئے لوگوں کو ہاتھ سے خاموش رہنے کا اشارہ کرکےکہتی ہیں کہ “شور کم کریں میری بیٹی گاڑی میں سو رہی ہے“
یہ ویڈیو سوشل میڈیا پر آتے ہی عوام سارا خان پر غصہ ہونے لگے اور کہنے لگے کہ عوام اب کنسرٹ میں بھی شور نہ کرے تو کیا کرے۔ ایک صارف ماہ نورز مانو لکھتی ہیں “تو گھر چھوڑ کر آنا تھا بیٹی کو“
جبکہ انعم زیب کہتی ہیں کہ “یہ کتنا شوخا کپل ہے ہمیشہ ہیڈلائنز میں رہنا چاہتے ہیں۔ صبا عثمان تبصرہ کرتی ہیں “اوور ایکٹنگ“