حکومت نے فی لیٹر پیٹرول کی قیمت میں 12 روپے تین پیسے بڑھا کر غریب عوام کی کمر پر مہنگائی کے بوجھ میں مزید اضافہ کردیا ہے۔

نئی قیمتیں 15 روز کے لئے مقرر کی گئی ہیں

ایکسپریس نیوز کے مطابق پیٹرول کی نئی قیمتیں 15 دنوں کے لئے مقرر کی گئی ہیں ۔وزیر خزانہ کی جانب سے پیٹرول کی نئی قیمتوں کا نوٹیفکیشن بھی جاری کردیا گیا ہے جس کا اطلاق رات 12 سے 28 >فروری تک ہوگا

پیٹرولیم مصنوعات کی نئی قیمتیں

حالیہ اضافے کے بعد پٹرول کی قیمت 147.82 روپے فی لیٹر سے بڑھ کر159.86 روپے فی لیٹر، ہائی اسپیڈ ڈیزل 144.62 روپے فی لیٹرسے بڑھ کر154.15 روپے فی لیٹر جبکہ لائٹ ڈیزل کی قیمت 114.54 روپے فی لیٹرسے بڑھ کر123.97روپے فی لیٹر تک پہنچ گئی۔ اسی طرح مٹی کے تیل کی قیمت 116.48 روپے فی لیٹرسے بڑھ کر126.56روپے فی لیٹر کردی گئی ہے