شوبز کی کامیاب ترین اداکارہ ماہرہ خان نے حالیہ انٹرویو میں طلاق کے بعد پہلی بار اپنے سابقہ شوہر کے بارے میں بات کی۔
اداکارہ کے انٹرویو سے ایک مختصر ویڈیو کلپ وائرل ہو رہی ہے جس میں وہ اپنے سابقہ شوہر علی عسکری کی تعریف کرتی ہیں جو مداحوں کو بہت پسند آئی۔
ماہرہ خان نے سوال کے جواب میں کہا کہ میں اپنے اب میں (علی عسکری) کے ساتھ نہیں ہوں کیونکہ مجھے طلاق ہوگئی تھی۔ انہوں نے کہا کہ مجھے نہیں لگتا کہ سوائے میری والدہ والد اور بھائی کہ، جتنا فخر سابقہ شوہر کو آج مجھ پر ہے وہ کسی کو نہیں ہوسکتا۔
ماہرہ خان نے اپنے سابقہ شوہر کے بارے میں بتاتے ہوئے کہا کہ وہ میری محنت سے بخوبی واقف ہیں۔ اور میری جدوجہد کو سراہتے ہیں۔
خیال رہے ماہرہ خان سال 2007 میں علی عسکری کے ساتھ شادی کے بندھن میں بندھی تھیں۔ جوڑے کی 8 سال شادی چل سکی جس کے بعد دونوں نے علیحدگی اختیار کرلی تھی۔ ماہرہ خان کا ایک بیٹا ہے جو آج بڑا ہوچکا ہے۔