دنیا میں موجود ہر انسان کو ایک نہ ایک دن مرنا تو ضرور ہے مگر اچانک اپنے پسندیدہ شخصیت کی موت کا سن کر انسان کو دھچکا تو لگتا ہے۔

یہی وجہ ہے کہ ہم آپکو یہاں ان مشہور اداکاروں کی موت کی خبروں کے بارے میں بتانے جا رہے ہیں جنہوں نے پوری دنیا میں کہرام مچا دیا تھا۔ آئیے اس کے بارے میں مزید جانتے ہیں۔

دھر میندر :

بھارتی فلمی انڈسٹری کے مشہور اداکار دھرمیندر جوکہ اب عمر کے ساتھ ساتھ کمزور ہو گئے ہیں اور انسان زندگی میں بیمار تو ہو جاتا ہے مگر اس کا یہ مطلب تو نہیں کہ اس کی زندگی کو خطرہ ہے لیکن کسی نے کچھ ماہ قبل سوشل میڈیا پر جعلی خبر چلا دی کہ ان کی طبعیت بہت خراب تھی جس کی وجہ سے یہ انتقال کر گئے ہیں۔

اس خبر کی تصدیق کیلئے جب اہلخانہ سے رابطہ کیا گیا تو انہوں نے کہا کہ وہ بالکل ٹھیک ہیں ایسی کوئی بات نہیں جی ہاں پر اس خبر سے انہیں دھچکا ضرور لگا ہے۔

اداکار بڑھے:

طنز و مزاح سے بھرپور بھارتی ڈرامہ تارک مہتا کا الٹا چشمہ کے ماسٹر بڑھے کے بارے میں خبریں گردش کرتی رہیں کہ ان کی طبعیت اچانک سے بگڑی اور وہ انتقال کر گئے ہیں۔

جیسے ہی خبر ان تک پہنچی تو انہوں نے ایک ویڈیو کے زریعے یہ بات کہی کہ ایسا بالکل نہیں میں بالکل ٹھیک ہوں اور اس وقت بھی ڈرامے کی شوٹنگ کر رہا ہوں یہی نہیں بلکہ زندگی بہت اچھے طریقے سے گزار رہا ہوں۔

ثناء خان:

فلم انڈسٹری کو ہمیشہ کیلئے چھوڑ کر مذہب اسلام کی طرف آ جانے والی اداکارہ ثناء خان بھی ایک مرتبہ ان جھوٹی خبروں کا نشانہ بن چکی ہیں۔ ان کا کہنا ہے کہ جب یہ خبر سامنے آئی تو مجھے اور میرے گھر والوں کو لوگوں کے فون آنے لگے اور تو اور کئی لوگ تو میرے ہی نمبر پر یہ میسج کرنے لگے کہ اللہ آپکو جنت میں جگہ عطا کرے۔

بلکہ حقیقت میں ایسا نہیں تھا کیونکہ ایک ویب سائٹ پر غلطی سے میری تصویر لگا دی گئی تھی جبکہ خبر ایک پاکستانی اداکارہ کے بارے میں تھی۔

امیتابھ بچن:

یہ وہ نام ہے جو کسی تعارف کا محتاج نہیں کیونکہ امیتابھ بچن بھارتی فلم انڈسٹری کی ریڑھ کی ہڈی مانے جاتے ہیں مگر جب وہ بیمار ہوئے اور اسپتال گئے تو لوگوں نے اس خبر کو یہ رنگ دے دیا کہ وہ اس دنیا سے رخصت ہو گئے ہیں اور ان کی پرانی فلموں کی تصاویر انٹرنیٹ پر گردش کرنے لگی جن میں رو رہے ہیں۔ بہر حال وہ بالکل ٹھیک ہیں۔

شویتا تیواری: