اگر مجھے بچپن میں کوئی رشتےدار ڈانٹتا تو بابا اس سے لڑجاتے تھے۔ یہ الفاظ ہیں پاکستان کی بڑی اسٹار اداکارہ ایمن خان کے۔ جنہوں نے پہلی مرتبہ اپنے والد کے انتقال کے بعد ان کے بارے میں کھل کر بات کی اور آبدیدہ ہو گئیں۔
جی ہاں ہوا کچھ یوں کہ گزشتہ برس رمضان ٹرانسمیشن کے دوران انہوں نے بتایا تھا کہ میرے بابا بھائیوں پر ہم بہنوں کو زیادہ اہمیت دیتے تھے، اگر کسی شرارت پر ڈانٹ پڑتی تو وہ کہتے کہ آپ مجھ سے کہیں میں ڈانٹوں گا آپ لوگ کون ہوتے ہو جو ان کو ڈانٹو۔ اسی لیے مجھے لگتا ہے کہ ان جیسا اب زندگی میں کوئی نہیں آ سکتا۔
اور تو اور انتقال سے پہلے 13 سے 14 دن وہ اسپتال میں داخل تھے اور بیمار تھے۔ بابا کی حالت ہم جب بگڑی آخری چند دنوں میں تو ہم نے ماما کو نہیں بتایا مگر وہ ان کی اہلیہ تھیں ایک دن رات میں جاگ کر کہتی ہیں کہ مجھے ان کے پاس لے چلو، لگتا ہے آپ لوگ کچھ چھپا رہے ہو۔
پھر جب وہ ان کے پاس گئیں ہاتھ پکڑ کر تسلی دی بابا کو اور ان سے بات چیت بھی کی، یہی ان کی آخری بات چیت تھی اپنے خاوند سے۔
مزید یہ کہ ایمن نے یہ بھی بتایا کہ میرے ابو روز ہی امی کے خواب میں آتے اور ان سے گفتگو کرتے ہیں، یہی لمحہ میری والدہ کیلئے سکون دے ہوتا ہے۔ کیونکہ ماما بابا کی شادی کو ابھی 25 سال ہوئے تھے۔
تو سوچتی ہوں کہ بڑی جلدی چلے گئے وہ، اس عمر میں تو والدہ کو ان کی سب سے زیادہ ضرورت تھی لیکن ان حالات میں چھوٹے بھائی معاز نے فیملی کو مکمل طریقے سے سنبھالا، سب کی ڈھال بنا گیا تھا۔
بہرحال اب میں یہ دیکھتی ہوں کہ جیسا ہمارا اپنے والد کے ساتھ پیار تھا بالکل ویسا ہی میری بیٹی کا اپنے والد کے ساتھ ہے۔ کیونکہ شوہر منیب جب گزشتہ روز بیٹی کی طبعیت خراب ہوئی تو اپنے ڈرامے کی شوٹنگ کے درمیان سے ہی گھر آئے اور بیٹی کو اسپتال لے گئے۔