اسلام آباد: سپریم کورٹ آف پاکستان نے عدالتی اصلاحات بل پر عمل درآمد روک دیا ہے۔
عدالت عظمیٰ نے عدالتی اصلاحات بل سے متعلق سماعت کا تحریری حکم نامہ جاری کر دیا ہے، 8 صفحات پر مشتمل تحریری حکمنامہ چیف جسٹس عمر عطا بندیال نے تحریر کیا ہے۔
اس حوالے سے جاری کردہ تحریری حکمنامےمیں کہا گیا ہے کہ درخواست گزار کے وکیل نے اہم قانونی نکات اٹھائے، عدلیہ کی آزادی سے متعلق بھی نکتہ اٹھایا گیا، سپریم کورٹ بل کی آئینی حیثیت کا جائزہ لے گی۔
حکمران جماعتوں نے پروسیجر بل پر سپریم کورٹ کے 8 رکنی بینچ کو مسترد کر دیا
حکمنامے کے تحت پی ٹی آئی اور ق لیگ سمیت حکومتی اتحادی جماعتوں کو نوٹسز جاری کردیے گئے ہیں، اٹارنی جنرل، پاکستان بار اور سپریم کورٹ بار سمیت دیگر فریقین کو بھی نوٹسز کا اجرا ہوا ہے، کیس کی مزید سماعت 2 مئی کو ہوگی۔