عمران خان کو پولیس لائنز کے گیسٹ ہائوس میں رکھنے کا حکم

سپریم کورٹ نے عمران خان کو پولیس لائنز کے گیسٹ ہائوس میں رکھنے کا حکم جاری کردیا۔

تفصیلات کے مطابق عدالت میں سماعت کے بعد میڈیا سے گفتگو کرتے ہوئے بابر اعوان  نے کہا کہ یہ پہلا آرڈر ہے کہ عمران خان نیب کی کسٹڈی میں نہیں رہےگا ،عمران خان اس وقت نیب یا پولیس کی نہیں سپریم کورٹ کی کسٹڈی میں ہیں ۔

جہاں سے عمران خان کو گرفتار کیا گیا کل اسی جگہ سے سماعت شروع ہوگی ، سپریم کورٹ نے طے کیا ہے کسی کو بھی احاطہ عدالت سے گرفتار نہیں کیاجائیگا ۔

پولیس کا کوئی اہلکار عدالت میں جائے گا تو اجازت لیکر جائے گا ،عمران خان کیساتھ 10لوگوں کو رہنے کی سپریم کورٹ نے اجازت دی ہے ۔

سپریم کورٹ نے کہا کوئی بھی عدالت کے احاطے میں اجازت کے بغیر نہیں جا سکتا ،عمران خان نے کہاا نہیں کسی سے ملاقات کرنے نہیں دی گئی ۔

کسی کو بھی عدالت سے اٹھانے کا کام آج بند ہو گیا ، جو الیکشن چاہتے ہیں وہ گر بڑ نہیں چاہتے، جو الیکشن نہیں چاہتے وہ ملک میں گڑ بڑ چاہتے ہیں۔