پی ڈی ایم کے سربراہ مولانا فضل الرحمن نے کہا ہے کہ کل ہنگامی طور پر پی ڈی ایم کا اجلاس طلب کیا جا رہا ہے۔
ہم نیوز کے مطابق میڈیا سے گفتگو کرتے ہوئے انہوں نے کہا پی ٹی آئی کےغنڈوں نے جی ایچ کیو پر حملہ کیا، کورکمانڈر کے گھر پرحملہ کیا،شہدا کی یاد گاروں پر پتھر مارے گئے۔
ایسا بھارت نے 75 سال میں نہیں کیا جو انہوں نے کر دکھایا ،قومی املاک کو نقصان پہنچایاگیا ہے، 2دنوں میں جو دہشتگردی ہوئی وہ اصل میں ملک کے ساتھ غداری ہے ، ریاست کو ان کے خلاف غداری کا مقدمہ کرنا چاہیے تھا۔
کیا اس سے پہلے کبھی کوئی عدالت کے احاطے سے گرفتار نہیں ہوا ،کیا کسی اور کے ساتھ ایسا رویہ ہوا جو اس مقدس شہری کے ساتھ ہوا ، آج جو فیصلہ آیا ہے اس کی آڈیو ایک دن پہلے چل چکی تھی۔
عمران خان کو وی آئی پی راستے سے عدالت لایا گیا ، ریسٹ ہاوس میں ٹھرایا گیا ، وہ 10 لوگوں کے ساتھ گپ شپ بھی لگا سکتا ہے ، ہم نے بھی لانگ مارچ اور احتجاج کئے لیکن قانون کو ہاتھ میں نہیں لیا ۔
ہمیشہ سے لوگوں کیخلاف عدالت فیصلہ کرتی ہے ،باہر آتے ہی ہتھکڑیاں لگ جاتی ہیں ۔