بھارتی فلم انڈسٹری کے بے تاج بادشاہ سلمان خان کے ساتھ کام کرنا ہر فنکار کی اولین خواہش ہوتی ہے کیونکہ سلمان کے ساتھ کام کرنے والے اداکار راتوں رات شہرت کی بلندیوں پر پہنچ جاتے ہیں تاہم بالی ووڈ میں ایک اداکارہ ایسی بھی ہیں جنہوں نے سلمان خان کے ساتھ ایک یا دو نہیں بلکہ 6 فلمیں ٹھکرادیں۔
بالی ووڈ میں سلمان خان اور دپیکا پڈوکون نے تاحال ایک ساتھ کسی فلم میں کام نہیں کیا جس کی وجہ دپیکا کا سلمان خان کی کئی فلموں کی پیشکش کو ٹھکرانا ہے۔
ہدایت کار سنجے لیلا بھنسالی کی فلم ’انشا اللہ‘ بننے کے دوران دپیکا نے سلمان کے ساتھ کام کرنے میں دلچسپی ظاہر کی تھی لیکن ہدایت کار نے انہیں مسترد کرکے عالیہ بھٹ کو شامل کرلیا۔
انشا اللہ کی کہانی میں ایک بوڑھے آدمی کو نوجوان لڑکی کی محبت میں گرفتار دکھایا جائے گا جس کے لیے سنجے لیلا بھنسالی نے دپیکا کی بجائے عالیہ کو زیادہ موزوں قرار دیا۔
میڈیا رپورٹس کے مطابق اداکارہ دپیکا پڈوکون نے سلمان خان کے ساتھ ایک یا دو بار نہیں بلکہ چھ مرتبہ کام کرنے سے انکار کیا جن میں جے ہو، سلطان، پریم رتن دھن پایو، شدھی اور کک شامل ہیں۔
دپیکا پڈوکون ان دنوں اپنی آنے والی فلم پروجیکٹ کے کی شوٹنگ میں مصروف ہیں جس وہ ساؤتھ انڈین اداکار پربھاس کے ساتھ اداکاری کے جوہر دکھائیں گی۔