برلن۔5جنوری (اے پی پی):جرمنی کے علاقہ یویلزن میں ہسپتال میں آگ لگنے سے ایک شخص ہلاک جبکہ متعدد زخمی ہو گئے۔
فرانسیسی خبر رساں ادارے اے ایف پی کے مطابق پولیس نے بتایا کہ ہسپتال میں گزشتہ رات کو لگنے والی آگ میں6افراد شدیداور متعدد معمولی زخمی ہوئے۔ پولیس کے مطابق جب ہنگامی خدمات کے اہلکار پہنچے تو تیسری منزل پر آگ کے شعلے نظر آرہے تھے جس کے باعث بہت زیادہ دھواں پھیل گیا،آگ بجھانے کے بعد ہسپتال کو خالی کرا لیا گیا۔حکام نے آگ لگنے کی وجوہات جاننے کے لئے تحقیقات شروع کر دی ہیں ، جس سے ایک ملین یورو (1.1 ملین ڈالر ) سے زیادہ کا نقصان ہونے کا تخمینہ لگایا گیا ہے۔