سیئول ۔11جنوری (اے پی پی):شمالی کوریا کے سربراہ کِم جونگ اُن نے جنوبی کوریا کو اپنا سب سے بڑا دشمن قرار دے دیا۔ٹی آرٹی کے مطابق کِم جونگ اُن نے مذکورہ بیان ایمونیشن فیکٹریوں کے دورے کے دوران جاری کیا ۔
انہوں نے کہا کہ جنوبی کوریا کی انتظامیہ جھڑپوں اور اسلحہ جمع کرنے کی حوصلہ افزائی کر رہی ہے، دونوں ملکوں کے درمیان خراب ہوتے تعلقات ایک نئے مرحلے میں داخل ہو گئے ہیں اور یہ ایک ایسی حقیقت ہے جس سے صرفِ نظر ممکن نہیں ۔ان کا کہنا تھاکہ ہم جزیرہ نما کوریا میں یک طرفہ کسی بڑے واقعے کا سبب نہیں بنیں گے لیکن جنوبی کوریا کا جنگ سے بچنے کا کوئی ارادہ نہیں ۔