الجزائر شہر۔23جنوری (اے پی پی):سعودی عرب کے وزیر داخلہ شہزادہ عبدالعزیز بن سعود بن نایف نے الجزائر کے صدر عبدالمجید تبون سے ملاقات کی۔سعودی پریس ایجنسی کے مطابق صدارتی محل میں ہونے والی ملاقات میں سعودی وزیر داخلہ نے سعودی قیادت کی جانب سے خیرسگالی کا پیغام پہنچایا اور الجزائر کی حکومت اور عوام کی ترقی اور خوشحالی کے لئے نیک خواہشات کا اظہار کیا۔ملاقات میں دونوں برادر ملکوں کے درمیان تعلقات اور موجودہ سکیورٹی تعاون کا جائزہ لیا گیا۔اس موقع پر سعودی عرب کے معاون وزیر داخلہ ڈاکٹر ہشام بن عبدالرحمن الفالح ، الجزائر میں سعودی سفیر ڈاکٹر عبداللہ بن ناصر البصیری اور دیگر عہد یدار بھی موجود تھے۔