اسلام آباد۔16فروری (اے پی پی):وزارت منصوبہ بندی ،ترقی و اصلاحات نے سرکاری شعبے کے ترقیاتی پروگراموں میں موسمیاتی تبدیلی ڈویژن کے ترقیاتی منصوبوں کےلئے اب تک 2ارب 43کروڑ روپے کے فنڈز جاری کئے، جن میں سے 11کروڑ39 لاکھ روپے خرچ کئے جا چکے ہیں۔
پلاننگ کمیشن کے اعدادوشمار کے مطابق حکومت نے رواں مالی سال کے دوران اس ڈویژن کے ترقیاتی کاموں کےلئے 4ارب5 کروڑ روپے سے زیادہ کے فنڈز مختص کئے ہیں جن میں سے 2 ارب 43 کروڑ روپے جاری جبکہ11 کروڑ 39 لاکھ روپے خرچ کئے جا چکے ہیں۔