پشتونخوا ملی عوامی پارٹی نے پارٹی سربراہ اور صدارتی امیدوار محمود اچکزئی کے گھر پر پولیس چھاپے کیخلاف آج احتجاج کا اعلان کر دیا ہے۔
پارٹی کے سیکرٹری جنرل عبدالرحیم زیارتوال نے کہا ہے کہ مجسٹریٹ کے بغیر مارے گئے پولیس چھاپے میں چادر و چاردیواری کا تقدس پامال کیا گیا۔
محمود اچکزئی کو اصلی فارم 45 پر صدر بنائیں گے ، علی محمد خان
عبدالرحیم زیارتوال نے کہا کہ پولیس نے پارٹی سربراہ کے ایک ذاتی محافظ کو گرفتار بھی کیا جس کے پاس لائسنس یافتہ اسلحہ تھا۔
انہوں نے کہا کہ قومی اسمبلی اجلاس میں حالیہ انتخابات میں دھاندلی اور اسکے ذمہ دار افراد کیخلاف حقائق بیان کرنے پر محمود اچکزئی کے گھر پر چھاپہ مار کر انہیں انتقامی کارروائی کا نشانہ بنایا گیا لیکن اس قسم کی کاروائیوں سے پارٹی اور قیادت کو مرعوب نہیں کیا جا سکتا۔