اسرائیلی فوج نے غزہ کے نصیرات کیمپ میں واقع اسکول میں پناہ لیے ہوئے فلسطینیوں پر بمباری کرکے 32 افراد کو شہید کر دیا۔
فلسطینی نیوز ایجنسی وفا کے مطابق اسرائیلی فوج نے اقوام متحدہ کے ادارے انروا کے اسکول پر حملہ کیا، فضائی حملے کے نتیجے میں عمارت میں پناہ لیے ہوئے خواتین اور بچوں سمیت 32 فلسطینی شہید جبکہ متعدد زخمی ہو گئے۔
غزہ ، انخلاء کرنیوالوں اور پانی بھرنے کیلئے جمع فلسطینیوں پر اسرائیلی بمباری ، 86 شہید
اسرائیلی فوج کا دعویٰ ہے کہ اس نے اسکول میں موجود حماس کے فائٹرز کو نشانہ بنایا۔ دوسری جانب غزہ سرکاری میڈیا کے ترجمان نے رائٹرز سے بات کرتے ہوئے اسرائیلی وضاحت کو مسترد کر دیا اور کہا کہ اسرائیل مظلوم فلسطینیوں پر حملوں کا جواز پیش کرنے کے لیے من گھڑت کہانیاں بنا رہا ہے۔
فلسطینی وزارت صحت کا کہنا ہے کہ اسرائیلی حملوں میں شہید فلسطینیوں کی تعداد 36 ہزار سے زائد ہو گئی ہے۔