کراچی میں گزشتہ رات ہونے والے دھماکے پر چینی سفارتخانے کا ردعمل سامنے آ گیا۔
چینی سفارتخانے کی جانب سے جاری بیان میں کہا گیا ہے کہ جناح انٹرنیشنل ائیرپورٹ کے قریب چینی عملے کی گاڑی پر حملہ کیا گیا، حملے میں دو چینی باشندے ہلاک اور ایک زخمی ہوا، کچھ مقامی شہری بھی متاثر ہوئے۔
کراچی حملے کے ملزمان اور سہولت کاروں کو پکڑنے میں کوئی کسر نہیں چھوڑیں گے ، پاکستان
چینی سفارتخانے کا کہنا ہے کہ دہشتگرد حملہ قابل مذمت ہے، پاکستان فوری ایمرجنسی پلان نافذ کرکے تحقیقات کرے اور حملہ آوروں کو سخت سزا دی جائے۔
واضح رہے کہ گزشتہ شب کراچی دھماکے میں 2 چینی باشندوں سمیت 3 افراد ہلاک اور 10 سے زائد زخمی ہوئے ہیں۔