عالمی شہرت یافتہ ویڈیو گیم کے شریک خالق اور معروف ڈویلپر ونس زیمپیلا ایک افسوسناک ٹریفک حادثے میں جان کی بازی ہار گئے۔ غیر ملکی میڈیا رپورٹس کے مطابق وہ شمالی لاس اینجلس کے خوبصورت مناظر والے علاقے میں اپنی فیراری کار چلا رہے تھے کہ حادثے کا شکار ہو گئے اور موقع پر ہی ہلاک ہو گئے۔
ونس زیمپیلا نہ صرف کامیاب گیم ڈویلپر تھے بلکہ ایک اعلیٰ سطح کے ایگزیکٹو بھی تھے۔ ان کے زیر قیادت قائم اسٹوڈیوز نے دنیا کی سب سے زیادہ فروخت ہونے والی ویڈیو گیمز تخلیق کیں، جن میں کال آف ڈیوٹی نمایاں ہے۔
ان کی اچانک موت سے عالمی گیمنگ انڈسٹری میں سوگ کی فضا قائم ہو گئی ہے۔