کینیڈا نے انڈین ہائی کمشنر سنجے کمار ورما سمیت 6سفارتی اہلکاروں کو ملک بدر کردیا۔
کینیڈا نے یہ اقدام پرتشدد بھارتی سرگرمیوں کے حوالےسے انکشاف کے بعد اٹھایا،علیحدگی پسند سکھوں کو نشانہ بنانے کے حوالے سے کینیڈا پہلے بھی بھارت کو انتباہ کرچکا تھا۔
کینیڈا سے بے دخلی کی اطلاع پر بھارت نے 6سفارتکاروں کو واپس دہلی بلوایا، ذرائع کے مطابق سکھ رہنما ہردیپ سنگھ نجر کے قتل میں ان اہلکاروں کے ملوث ہونے کے شواہد ملےتھے۔
پاکستان اورچین کے درمیان مختلف معاہدوں پر دستخط، گوادر ایئرپورٹ کا افتتاح
دوسری جانب بھارت نے بھی 6 کینیڈین سفارت کاروں کو ملک بدر کر دیا۔ایک بیان میں، وزارت خارجہ نے ان کینیڈین سفارت کاروں کے نام درج کیے جنہیں ہفتہ، اکتوبر 19، 2024 کی رات 11:59 یا اس سے پہلے ملک چھوڑنے کے لیے کہا گیا ہے۔
قائم مقام ہائی کمشنر سٹیورٹ راس وہیلر، ڈپٹی ہائی کمشنر پیٹرک ہیبرٹ کے ساتھ فرسٹ سیکرٹریز میری کیتھرین جولی، ایان راس ڈیوڈ ٹریٹس، ایڈم جیمز چوپکا اور پاؤلا اورجویلا نئی دہلی کی طرف سے نکالے گئے سفارت کار ہیں۔