ہوم اسٹے ٹورازم منصوبہ، خیبرپختونخوا حکومت کا 30 لاکھ روپے تک بلا سود قرضہ دینے کا اعلان

image

خیبرپختونخوا حکومت کا سیاحت کے فروغ کیلئے ہوم اسٹے ٹورازم منصوبہ شروع کرنے کا فیصلہ، اس کے لئے خیبرپختونخواحکومت 30 لاکھ روپے بلا سود قرضہ دے گی۔

ابتدائی منصوبہ 39 کروڑ 50 لاکھ روپے کی لاگت سے شروع کیا جائے گا، دو کمروں کی تعمیر یا پہلے سے دستیاب رومز میں سہولیات فراہم کی جائیں گی، کمروں میں واش رومز، کچن کے علاوہ دیگر سہولیات بھی ہوں گی۔

نیشنل ہائی وے اتھارٹی کی سالانہ آمدن 100 فیصد بڑھ کر 110 ارب روپے ہو گئی

صوبائی حکومت کے مطابق ہوم اسٹے ٹورازم کا پہلامرحلہ اپر لوئر چترال، اپر لوئر دیر اور مانسہرہ میں شروع کیا جائے گا، پہلے مرحلے میں ایبٹ آباد اور سوات بھی شامل ہیں۔

صوبائی حکومت ہوم اسٹے سیاحت منصوبے کے لئے جو قرضہ دے گی اس کی واپسی کی مدت 5 سال ہوگی جبکہ واپسی کا عمل دوسرے سال سے شروع ہوگا۔

وزیراعلیٰ خیبر پختونخوا نے کہا کہ صوبے میں سیاحت کے فروغ کے لئے بے پناہ مواقع ہیں، ہوم اسٹے سیاحت کے فروغ کے لئے اقدامات کررہے ہیں،یہ روزگار فراہمی کا بھی بہترین منصوبہ ہے۔


News Source   News Source Text

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US