پاکستان کے مشہور کاروباری شخصیت سلیمان رضا نے ایک پوڈ کاسٹ میں بتایا کہ شاہ رخ خان نے اپنے بیٹے آریان خان کی لندن میں سالگرہ منائی، اور اس موقع پر ان کے کھانے کا انتظام سلیمان رضا نے کیا تھا۔

سالگرہ کی تقریب اور شاہ رخ خان کی پسندیدہ ڈش

سلیمان رضا کے مطابق، آریان کی سالگرہ پر انہوں نے بریانی، قورمہ اور مختلف مزیدار کھانے پیش کیے۔ شاہ رخ خان کی خاص درخواست پر ان کے لیے مچھلی تیار کی گئی تھی، اور یہ ڈش انہیں بہت پسند آئی۔

بالی ووڈ کے بڑے ستارے سلیمان کے ریسٹورنٹس میں

سلیمان رضا نے مزید بتایا کہ سنجے دت، سلمان خان جیسے بالی ووڈ کے بڑے ستارے ان کے ریسٹورنٹس میں آ چکے ہیں، اور سلمان خان کا وزٹ تو اتنا مشہور ہوا تھا کہ ریسٹورنٹ کے باہر کافی رش لگ گیا تھا۔

سلیمان رضا کا ایوارڈ

یاد رہے کہ سلیمان رضا کو گزشتہ سال لندن کی طرف سے فریڈم آف دی سٹی کا ایوارڈ بھی دیا گیا تھا، جو ایک بہت بڑی عزت اور کامیابی ہے۔ اس ایوارڈ کا مقصد سلیمان کی کمیونٹی میں شراکت، کاروباری کامیابیوں اور انسان دوستی کے حوالے سے ان کی محنت کی قدر کرنا تھا۔