بلوچستان کے ضلع ہرنائی کے علاقے شاہرگ میں مرد اور خاتون کی لاشیں برآمد ہوئی ہیں۔
لیویز حکام کے مطابق امبو کے مقام پر لاشوں کی اطلاع ملنے پر کارروائی کی گئی اور لاشوں کو تحویل میں لیا گیا۔ متوفیان کی شناخت فیض اللہ ولد قاہر نورزئی ساکن بوستان ضلع پشین اور ثمینہ بی بی ولد عبدالسلام سلیمان خیل کے ناموں سے ہوئی ہے۔ دونوں کی عمریں بالترتیب 22 اور 23 سال بتائی جاتی ہیں۔
حکام کے مطابق قتل کی وجہ فی الحال معلوم نہیں ہوسکی تاہم لاشوں کو ضابطے کی کارروائی کے بعد اسپتال منتقل کردیا گیا ہے۔ لیویز نے مزید کارروائی شروع کر دی ہے۔