کراچی: ڈسٹرکٹ سٹی پولیس اور حساس ادارے نے مشترکہ کارروائی کرتے ہوئے مارٹر گولے برآمد کرلیے۔
پولیس ذرائع کے مطابق مخبر خاص کی اطلاع پر لیاری کے علاقے نیپئر میں جمال شاہ اسٹریٹ پر واقع خالی پلاٹ میں کارروائی کی گئی، جہاں کھدائی کرکے 5 مارٹر گولے اور 5 موٹر فولڈر برآمد کرلیے گئے۔
مارٹر گولے ناکارہ بنانے کے لیے بم ڈسپوزل اسکواڈ کو طلب کیا گیا جبکہ پولیس مزید کارروائی میں مصروف ہے۔
پولیس نے دعویٰ کیا ہے کہ مذکورہ گولہ بارود لیاری گینگ وار سے تعلق رکھنے والے شفیع پٹھان گروپ کا ہے۔