"میں نے اپنی زندگی میں ہمیشہ ایک مضبوط مرد کی کمی محسوس کی ہے۔ میرے والد بہت کم عمری میں دنیا چھوڑ گئے تھے، میرا کوئی بڑا بھائی نہیں تھا، اور شادی کے صرف تین سال بعد میرے شوہر کا انتقال ہو گیا۔ اس لیے شاید میں ہمیشہ اس احساس کے ساتھ جیتی رہی کہ میری زندگی میں ایک سہارے کی جگہ خالی ہے۔ اب میں دوبارہ شادی کا سوچ رہی ہوں، مگر یہ قدم میرے لیے آسان نہیں ہوگا، کیونکہ یہ میری زندگی میں ایک نئے شخص کی موجودگی کو قبول کرنے کا وقت ہے۔"
یہ بات ڈاکٹر نبیہا علی خان نے اپنی نجی زندگی کے بارے میں کھل کر گفتگو کی۔ وہ ایک ماہرِ نفسیات، میزبان اور سوشل میڈیا پر کافی متنازع شخصیت سمجھی جاتی ہیں، جو اکثر خواتین کے رویے پر تنقید اور مردوں کے حقوق کی حمایت کے باعث خبروں میں رہتی ہیں۔
نبیہا علی خان نے مسکراتے ہوئے بتایا کہ وہ ایک خوبصورت اور سمجھدار انسان سے منسلک ہونے جا رہی ہیں۔ ان کے مطابق، "مجھے ترک مرد بہت پسند ہیں، وہ نہ صرف دلکش ہوتے ہیں بلکہ باوقار بھی۔" انہوں نے مزید کہا، "میرا منگیتر کسی ترک اداکار سے کم نہیں۔ ہم پچھلے چھ سال سے ینگ میڈیا ایسوسی ایشن میں ساتھ کام کر رہے ہیں، ان کا نام حارث ہے اور وہ بھی میڈیا انڈسٹری سے وابستہ ہیں۔"
ان کے اس انکشاف کے بعد سوشل میڈیا پر ہلچل مچ گئی۔ مداحوں نے انہیں نیک خواہشات بھیجیں، جبکہ کچھ نے حیرت اور تجسس کے ساتھ ان کے فیصلے پر تبصرے کیے۔ لیکن ایک بات طے ہے ڈاکٹر نبیہا علی خان نے ایک بار پھر سب کی توجہ اپنی طرف کھینچ لی ہے، اس بار اپنی نئی زندگی کے آغاز کی خبر کے ساتھ۔