افغانستان کرکٹ بورڈ نے پاکستان میں شیڈول ٹرائی سیریز میں اپنی ٹیم نہ بھیجنے کا فیصلہ کر لیا ہے۔
افغان بورڈ کے مطابق ان کے پکتیّا صوبے میں کچھ کرکٹرز کی افسوسناک موت کے باعث یہ فیصلہ کیا گیا ہے۔ اے سی بی نے دعویٰ کیا ہے کہ یہ کھلاڑی کلب کرکٹ کا میچ کھیلنے کے بعد واپس جا رہے تھے جب فضائی حملے میں مارے گئے۔تاہم اس واقعے کی کوئی تصدیق تاحال نہیں ہو سکی ہے۔
افغانستان کرکٹ بورڈ نے اسی دعوے کو بنیاد بنا کر اعلان کیا ہے کہ وہ آئندہ ماہ ہونے والی ٹرائی سیریز میں شرکت نہیں کرے گا۔
یہ ٹرائی سیریز 19 نومبر سے 29 نومبر تک پاکستان میں منعقد ہونا تھی جس میں پاکستان کرکٹ بورڈ نے افغانستان اور سری لنکا کو شرکت کی دعوت دی تھی۔