کشمور، رپورٹ: حاکم نصیرانی
کشمور پولیس نے دو مختلف کارروائیوں میں مبینہ پولیس مقابلوں کے دوران 2 ملزمان کو زخمی حالت میں گرفتار کرلیا ہے۔
پولیس کے مطابق گرفتار ملزمان میں قنبیر بجارانی بھی شامل ہے جس پر کمسن بچی کے ساتھ زیادتی کا سنگین الزام عائد ہے۔
پولیس کا کہنا ہے کہ ملزم کبیر کو گرفتار کرنے کے لیے خفیہ اطلاع پر کرم پور تھانہ کی حدود اقبال خان لاڑو کے قریب چھاپہ مار کارروائی کی گئی اس دوران فائرنگ کا تبادلہ ہوا اور ملزم زخمی ہوگیا جسے گرفتار کرکے اسپتال منتقل کیا گیا۔
ترجمان پولیس کے مطابق دوسرا پولیس مقابلہ کندھ کوٹ گلشیر محلہ میں اس وقت ہوا جب ملزمان ڈکیتی کی نیت سے کھڑے تھے۔ پولیس کے پہنچنے پر ملزمان نے فائرنگ کردی، جوابی فائرنگ میں ایک ملزم واحد بخش سبزوئی کو زخمی حالت میں حراست میں لے لیا گیا، زخمی کو اسپتال منتقل کردیا گیا ہے۔
دوسری جانب 14 مختلف مقدمات میں مطلوب اشتہاری ملزم مرتضیٰ عرف مرطو باجکانی نے جرم کی دنیا کو خیرباد کہتے ہوئے تنگوانی پولیس کے سامنے سرینڈر کرکے اپنے آپ کو قانون کے حوالے کردیا۔