محکمہ انسدادِ دہشت گردی نے خیبر پختونخوا کے ضلع بنوں میں خفیہ اطلاع پر کارروائی کرتے ہوئے 2 انتہائی مطلوب دہشت گردوں کو ہلاک کر دیا۔
ترجمان سی ٹی ڈی کے مطابق ہلاک دہشت گردوں میں خالد نامی دہشت گرد بھی شامل ہے جو 2023 میں پولیس اور سی ٹی ڈی اہلکاروں پر متعدد حملوں کے علاوہ 4 پولیس اہلکاروں کی شہادت میں ملوث تھا۔
کارروائی کے دوران دہشت گردوں کے قبضے سے 2 کلاشنکوف، 6 میگزین اور 2 دستی بم برآمد کیے گئے جبکہ ان کے چند ساتھی موقع سے فرار ہونے میں کامیاب ہوگئے۔
سی ٹی ڈی حکام کا کہنا ہے کہ فرار دہشت گردوں کی تلاش کے لیے علاقے میں سرچ آپریشن جاری ہے۔