کراچی کے علاقے شاہراہِ قائدین پر نورانی کباب کے قریب بے قابو واٹر ٹینکر نے موٹر سائیکل سوار فیملی کو روند ڈالا، مشتعل افراد نے حادثے کے ذمہ دار ٹینکر کو نذر آتش کردیا۔
حادثے کی اطلاع ملتے ہی پولیس اور فائر بریگیڈ کی ٹیمیں جائے وقوعہ پر پہنچ گئی، جبکہ زخمیوں کو اسپتال منتقل کردیا گیا۔ جن کی فوری طور پر شناخت نہ ہوسکی۔
پولیس کے مطابق آگ پر قابو پالیا گیا ہے تاہم آگ سے ٹینکر کا کیبن مکمل طور پر جل گیا ہے۔ پولیس کا کہنا ہے کہ سڑک آمد و رفت کے لیے کھلی اور ٹریفک رواں دواں ہے۔
ترجمان شرقی پولیس کے مطابق ٹینکر کو تحویل میں لے لیا گیا ہے جسے جائے حادثہ سے ہٹانے کی کوشش شروع کردی گئی ہے۔ مزید حسبِ ضابطہ کارروائی جاری ہے۔