بھارتی میڈیا کے مطابق بالی ووڈ کے معروف اور لیجنڈری اداکار دھرمیندر 89 برس کی عمر میں چل بسے البتہ خاندانی زرائع کے مطابق یہ خبر درست نہیں
بھارتی میڈیا رپورٹس کے مطابق دھرمیندر کو طبیعت ناساز ہونے پر 10 نومبر 2025 کی رات ممبئی کے بریچ کینڈی اسپتال منتقل کیا گیا، جہاں وہ زندگی کی بازی ہار گئے۔
رپورٹس کے مطابق دھرمیندر کافی عرصے سے علیل تھے۔ پیر کی دوپہر انہیں طبیعت بگڑنے پر اسپتال کے انتہائی نگہداشت وارڈ (آئی سی یو) میں داخل کیا گیا تھا اور ڈاکٹروں نے انہیں وینٹی لیٹر پر منتقل کر دیا تھا۔ تاہم رات گئے وہ جانبر نہ ہو سکے۔ اتنا ہی نہیں بلکہ اس خبر کی تصدیق مختلف چینلز اور مشہور شخصیات نے بھی کی.
دھرمیندر کو بھارتی فلم انڈسٹری میں ’ہی مین‘ کے لقب سے شہرت حاصل تھی۔ وہ کئی دہائیوں تک بالی ووڈ کے مقبول ترین اداکار رہے اور ان کی درجنوں فلمیں آج بھی ناظرین کے دلوں میں زندہ ہیں۔
دوسری جانب دھرمیندر کی صاحبزادی ایشا دیول کی لگائی گئی اسٹوری اور انسٹاگرام پوسٹ کے مطابق ان کے والد زندہ ہیں اور تیزی سے روبہ صحت ہورہے ہیں. اس صورتحال نے لوگوں کو مخمصے میں ڈال دیا ہے.