بلوچستان کی حکومت نے ضلع ژوب اور شیرا نی کے آتش زدہ چلغوزہ جنگلات کی سائنسی بنیادوں پر بحالی کا آغاز کیا ہے۔ چیف کنزرویٹر فاریسٹ علی عمران کی سربراہی میں ٹیم نے متاثرہ علاقوں کا جائزہ لیا اور 15 لاکھ سیڈ بالز جنگلات میں تقسیم کیے گئے۔
یہ مٹی یا کمپوسٹ کی گولیاں بارش کے بعد قدرتی ماحول میں بیج کو محفوظ طریقے سے اگانے میں مدد دیتی ہیں خاص طور پر دشوار گزار علاقوں کے لیے مؤثر ہیں۔ مقامی کمیونٹی اور محکمہ جنگلات کے رضاکار بحالی کے عمل میں حصہ لے رہے ہیں۔
سیکریٹری جنگلات عبد الفتاح بھنگر نے بحالی کے عمل کو مزید مربوط اور تیز رفتار جاری رکھنے کی ہدایت کی ہے۔ ماہرین کے مطابق یہ اقدامات پہلی بار کیے جا رہے ہیں اور مستقبل میں چلغوزہ جنگلات کی پائیدار بحالی کی مضبوط بنیاد ثابت ہوں گے۔