ماسکو میں ہونے والے امن مذاکرات میں ناکامی کے بعد نیٹو کے وزرائے خارجہ کا گول میز اجلاس جاری ہے، جہاں توقع ہے کہ یوکرین سے متعلق جاری امن مذاکرات اور دفاعی امور پر بات ہو گی۔ اجلاس میں شرکت کے موقع پر صحافیوں سے مختصر گفتگو کرتے ہوئے نیٹو کے سربراہ نے روس پر سخت اقتصادی پابندیاں عائد کرنے کی تجویز دی ہے۔
- پاکستان کے صوبہ خیبر پختونخوا کے علاقے پنیالہ میں پولیس کی موبائل وین کے قریب ایک دھماکہ ہوا ہے جس میں تین پولیس اہلکار ہلاک ہو گئے ہیں۔
- روس اور یوکرین کے درمیان جنگ بندی سے متعلق روسی صدر ولادیمیر پوتن اور امریکی صدر ڈونلڈ ٹرمپ کے سینئر مذاکرات کار کے درمیان پانچ گھنٹے تک مزاکرات جاری تو رہے مگر کریملن کے ایک ترجمان کے مطابق ماسکو کی یہ ملاقات 'تعمیری' تھی، لیکن منصوبے کے کچھ حصے روس کے لیے ناقابل قبول تھے۔
- سابق وزیر اعظم عمران خان کے ایکس اکاؤنٹ پر منگل کی رات جاری ہونے والے ایک بیان میں اُن کی جانب سے کہا گیا ہے کہ 'این ڈی یو ورک شاپ میں تحریک انصاف کے لوگوں کی شرکت شرمناک ہے۔'
ماسکو مذاکرات کی ناکامی کے بعد نیٹو وزرائے خارجہ کا اجلاس: ’روس پر دباؤ ڈالنے کا بہترین طریقہ یوکرین کو ہتھیاروں کی فراہمی جاری رکھنا ہے‘
