بھارتی انتہا پسندوں نے اب بنگلا دیش کے فاسٹ بالر مستفیض الرحمٰن اور کلکتہ نائٹ رائڈرز کے مالک شاہ رخ خان کو اپنی چھوٹی ذہنیت کا نشانہ بنا دیا ہے۔
شاہ رخ خان کی انڈین پریمیر لیگ میں فرنچائز نے مستفیض الرحمٰن کو 2026 کے آئی پی ایل کے لیے 9 کروڑ بھاری روپے میں لیا ہے، لیکن پچھلے کئی دنوں سے بھارت کی انتہا پسند تنظیموں کی طرف سے اب شاہ رخ خان کو کھلے عام سوشل میڈیا پر پریس کانفرنس میں دھمکیاں دی جا رہی ہیں کہ اگر انہوں نے بنگلا دیش کے کھلاڑی کو کھلایا تو ان دونوں کو بخشا نہیں جائے گا۔
ایک انتہا پسند تنظیم وشوا ہندو پریشد کے لیڈر نے کھلے عام سوشل میڈیا کی ایک ویڈیو میں شاہ رخ خان کو کہا کہ اگر انہوں نے بات نہیں مانی جہاں وہ نظر آئیں گے جہاں مستفیض الرحمٰن نظر آئے گا دونوں کو پیٹا جائے گا۔
شیوسینا کے ایک لیڈر سنجے نروپم نشانک نے کہا کہ ان کو اس وقت بھارتی عوام کے جذبات کو سمجھنا چاہیے اور ایک بنگلا دیشی کھلاڑی کو آئی پی ایل میں نہیں کھلانا چاہیے ورنہ ان کو اس کے اثرات بھگتنے پڑیں گے۔
یاد رہے کہ اگست 2024 میں بنگلا دیش کی سابق وزیراعظم شیخ حسینہ واجد جان بچا کر بھارت بھاگی تھی اور اس کے بعد سے بھارت اور بنگلا دیش کے درمیان تعلقات خراب سے خراب تر ہوگئے جس میں بھارت کا الزام ہے کہ جو ہندو بنگلا دیش میں رہتے ہیں ان کے ساتھ برا سلوک ہو رہا ہے۔