کرکٹ آسٹریلیا نے آئی سی سی ورلڈ ٹی ٹوئنٹی کپ کے لیے ایک مضبوط ابتدائی اسکواڈ کا اعلان کردیا ہے جس کی قیادت مچل مارش کریں گے۔
اسکواڈ میں آسٹریلیا کے ٹیسٹ اور او ڈی آئی کپتان پیٹ کمنس اور تیز بالر جوش ہیزل وڈ بھی شامل ہیں۔ دونوں کھلاڑی حالیہ دنوں میں فٹنس مسائل کا شکار رہے ہیں اور ہیزل وڈ سیریز سے باہر ہوگئے جبکہ پیٹ نے اب تک صرف ایک ٹیسٹ کھیلا ہے۔
اسکواڈ میں مارکس سٹوائنس ٹم ڈیوڈ جو خود بھی اس وقت فٹنس مسائل کے شکار ہیں گلین میکسویل اور کیمرہ گرین بھی شامل ہیں۔
کرکٹ آسٹریلیا کا کہنا ہے کہ اگر کوئی کھلاڑی ورلڈ کپ سے پہلے پوری طرح فٹ نہیں ہوا تو اس کو تبدیل کردیا جائے گا۔
یاد رہے کہ ورلڈ کپ میں جتنی ٹیمیں حصہ لے رہی ہیں سب کو ورلڈ کپ شروع ہونے سے ایک ہفتے پہلے تک کھلاڑی تبدیل کرنے کی اجازت ہے۔ آسٹریلیا کے اسکواڈ میں ٹراؤس ہیڈ ایڈمزمپا میتھیو شارٹ جوش انگلش نیتن ایلیس بھی شامل ہے۔