بھارت کے معروف نغمہ نگار اور رائٹر جاوید اختر نے ایک جعلی اے آئی ویڈیو پر شدید برہمی کا اظہار کیا ہے جس میں انہیں ٹوپی پہنے دکھایا گیا اور دعویٰ کیا گیا کہ وہ آخرکار خدا کی طرف لوٹ آئے ہیں۔
جاوید اختر نے سوشل میڈیا پر ویڈیو کی سخت مذمت کرتے ہوئے کہا کہ یہ سب بے بنیاد ہے اور وہ اس معاملے میں قانونی کارروائی کرنے پر غور کر رہے ہیں۔ انہوں نے کہا کہ اس جعلی خبر سے ان کی ساکھ اور وقار کو نقصان پہنچا ہے اور ذمہ دار افراد کو عدالت میں لانے کا ارادہ رکھتے ہیں۔
یاد رہے کہ چند روز قبل جاوید اختر اور مفتی شمائل ندوی کے درمیان کیا خدا موجود ہے؟ کے موضوع پر فکری مکالمہ ہوا تھا جو انٹرنیٹ پر زیرِ بحث ہے۔ سوشل میڈیا صارفین نے جاوید اختر کے موقف کی حمایت کی اور کہا کہ اے آئی کے ذریعے بنائی گئی جعلی ویڈیوز خطرناک ہیں اور فوری کارروائی ہونی چاہیے۔