پشاور کے مضافاتی علاقے سربند میں دستی بم پھٹنے سے تین افغان لڑکے زخمی ہوگئے، جنہیں فوری طور پر اسپتال منتقل کردیا گیا۔
واقعات کے مطابق دولت زئی سربند میں کباڑ میں ملنے والا دستی بم پھٹنے سے تین لڑکے زخمی ہو گئے، جن کے حوالے سے بتایا گیا ہے کہ یہ لڑکے افغان تھے۔
دھماکہ کے حوالے سے ابتدائی اطلاعات میں بتایا گیا ہے کہ تین افغان شہری جن کی عمریں 14 سے 16 سال کے درمیان ہیں، گلی محلوں میں کباڑ اکٹھا کرنے کے لیے چنگچی رکشے میں گھوم رہے تھے، اس دوران کباڑ کے سامان میں ایک گرنیڈ ملا، جس کے ساتھ چھیڑ چھاڑ کے دوران زور دار دھماکا ہوگیا۔
دھماکے کے نتیجے میں رحمان اللہ ولد جان آغا (عمر 16 سال)، کامران ولد اجمل (عمر 15 سال) اور میرویس ولد رسول خان زخمی ہوگئے۔ واقعے کے بعد زخمیوں کو فوری طور پر قریبی اسپتال منتقل کردیا گیا، جبکہ پولیس نے جائے وقوعہ کو گھیرے میں لے کر تحقیقات کا آغاز کردیا ہے۔