اے ایس او اور 91 ونگ رینجرز نے یوسف گوٹھ بس ٹرمینل پر کامیاب آپریشن کیا۔ یہ کارروائی 9 اور 10 جنوری کی درمیانی شب کسٹمز اور رینجرز کی مشترکہ کوششوں سے کی گئی۔
آپریشن کے دوران غیر ملکی اشیاء کی بھاری مقدار برآمد ہوئی، جو 10 مزدا ٹرک اور 6 شہزور گاڑیوں میں منتقل کی جا رہی تھی۔ برآمد شدہ سامان میں غیر ملکی کھانے کی اشیاء، سکم دودھ، کراکری، ٹائلیں، اجینو موٹو، ایمیزون کنڈل ٹیبلٹس، گھڑیاں، کپڑے اور دیگر اشیاء شامل ہیں۔
ضبط شدہ سامان کو کسٹمز گودام منتقل کر کے انوینٹری تیار کی جا رہی ہے، اور مالیت کا تخمینہ کروڑوں روپے لگایا گیا ہے۔