پاکستانی اداکارہ لائبہ خان نے اپنے شوہر کی تصاویر انسٹاگرام پر شیئر کر کے مداحوں اور تنقید کرنے والوں کے سوالات کا جواب دے دیا۔
لائبہ خان نے رواں ماہ اچانک اپنی شادی کا اعلان کر کے مداحوں کو حیران کیا تھا۔ ان کا نکاح نومبر 2024 میں مدینہ منورہ میں ہوا، جس کی خبر انہوں نے 27 جنوری 2026 کو انسٹاگرام پر شیئر کی۔
ابتدائی طور پر اداکارہ نے شادی سے متعلق تقریبات جیسے نکاح فوٹو شوٹ، دعائے خیر، ڈھولکی اور برائیڈل شاور کی جھلکیاں مداحوں کے ساتھ شیئر کیں، مگر اپنے شوہر کو منظرِ عام پر لانے سے گریز کیا۔ اس وجہ سے سوشل میڈیا پر شوہر کے بارے میں قیاس آرائیاں اور تنقید شروع ہو گئی۔
اب لائبہ خان نے اپنے شوہر کے ساتھ ’ہلدی‘ ایونٹ کی تصاویر انسٹاگرام پر اپ لوڈ کی ہیں اور کیپشن میں لکھا ’’اب خوش، براہِ مہربانی ماشاءاللہ کہہ دو‘‘۔
مداحوں نے تصاویر پر خوشی کا اظہار کیا اور اداکارہ کی اس بات کو سراہا کہ انہوں نے تنقید کے باوجود شادی کی خوشیوں کو اپنے چاہنے والوں کے ساتھ شیئر کیا۔